شعریت
داکترشفیقه یارقین نینگ "اویغاق توشلر" تؤپلَمیدن بیر نیچه رباعی:
اۉزبېك قیزلریگه
گل قنچه گۉزه ل بۉلسه، گۉزه لراق دورسیز
هم حور و فرشته لر كبی پاك دورسیز
اۉزبېك قیزی سیز مَیینلیگیز گه قره مَی
اېركك كیشی دن كوره ش ده بېباك دورسیز
· · ·
سېزده نه بویوك دولت و نې قدرت بار
نی قصر و خزانه، شهرت و شوكت بار
سېومک و سېویلمه ككه كېره كمس بَریسی
اۉزبېك قیزی سیز، سیزده حیا - عفت بار
· · ·
اۉزبېك قیزی من بو افتخاریم مېنگه بس
تُركستان دېك گۉزه ل دیاریم مېنگه بس
كابل وطنیم اوروش ده ویران بۉلدی
آباد اگر قالسه مزاریم مېنگه بس
یار- یار
یار - یار نی اۉقیر بهار، اگر کېلسنگیز
کوی لر تره تر دوتار، اگر کېلسنگیز
آلتون یوره گیم که قدری یۉقدور سیزسیز
تاپگه ی ینه اعتبار، اگر کېلسنگېز
یۉلچی یولدوز
هرکون بیز اوچون گونش سلام یۉلله یدی
هرتون بیز اوچون تون چېچگی گلله یدی
بۉلدیک تیلیمیزگه یۉلچی یولدوز، بیزنی
بابر و نوایی روح لری قۉلله یدی
تېنگری كېچیرر
هر وقت كه بیر ینگی خطا قیلگه یسیز
یوز توبه و عجز و التجا قیلگه یسیز
تېنگری كېچیرر، اگر بیرار مسكین نینگ
حالین سۉره ب، حاجتین روا قیلگه یسیز
غم یخشی
گل یفراغی اوزره قطره شبنم یخشی
عاشق كیشی نینگ كۉز لریده نم یخشی
مردم غمینی كۉریب، كولیب یورگن دن
كۉنگلی اېزیلیب، چېكسه كیشی غم، یخشی
